OPEC+ görüşünün vaxtının dəyişdirilməsi bazarda volatilliyi artıracaq

OPEC+ iclasının 27 noyabrdan 30 noyabra dəyişdirilməsi opsion müqavilələrində milyonlarla barel neftə təsir göstərə bilər. Bu barədə Bloomberg məlumat yayıb.

Nəşrin məlumatına görə, Brent neftinin tədarükü üzrə yanvar müqavilələrinə təxminən 646 milyon barel daxildir, baxmayaraq ki, onların yalnız bir hissəsi kartelin qərarlarına potensial olaraq ciddi reaksiya verəcək.

ABŞ bazarında təxminən 11 min dizel və bir neçə yüz benzin variantı da söz mövzusudur.

Mövqelər bir aydan digərinə düzəliş edildikdə, tarix dəyişikliyi əlavə qiymət dəyişkənliyi ilə nəticələnə bilər. Ən aktiv satılan beş müqavilədən dördü hazırda fevral ayındadır. Nəşr qeyd edib ki, OPEC+-ın belə qərarı möhtəkirlərin təsirindən qaçmaq istəyi ilə bağlı ola bilər.

Bir gün əvvəl  OPEC+ toplantısının təxirə salınması xəbərindən sonra neftin qiyməti aşağı düşdü.

Neft İxrac Edən Ölkələr Təşkilatı və ya qısaca OPEC (ing. The Organization of the Petroleum Exporting Countries) — neft ixrac edən ölkələr tərəfindən neftin qiymətinin tənzimlənməsi məqsədi ilə 1960-cı ildə Bağdadda keçirilən konfransda yaradılıb. Əvvəlcə İran, İraq, Küveyt, Səudiyyə Ərəbistanı və Venesuela təşkilata daxil olub.

Bu 5 ölkəyə sonradan Qətər, (1961), İndoneziya (1962), Liviya (1962), Birləşmiş Ərəb Əmirlikləri (1967), Əlcəzair (1969), Nigeriya (1971), Ekvador (1973-1992), Qabon (19751994), Anqola (2007) və Ekvatorial Qvineya (2017) qoşulub.

Təşkilatın qərargahı 1965-ci ildən Avstriyanın paytaxtı Vyana şəhərində yerləşir. Hazırda OPEC-in 13 üzvü var. (Əlcəzair, Anqola, Konqo, Ekvatorial Qvineya, Qabon, İran, İraq, Küveyt, Liviya, Nigeriya, Səudiyyə Ərəbistanı, Birləşmiş Ərəb Əmirlikləri, Venesuela).

Qeyri-OPEC ölkələri (Azərbaycan, Bəhreyn, Bruney, Qazaxıstan, Malayziya, Meksika, Oman, Rusiya, Sudan, Cənubi Sudan) təşkilatla "OPEC plus” formatında sıx əməkdaşlıq edir. "OPEC plus” əməkdaşlığının əsas məqsədi dünya neft bazarında tələb və təklifin uzlaşmasına nail olmaqdır.
 
Gülnar Nazimqızı 

www.anews.az