Bu ilin 2 ayında məcburi sosial sığorta üzrə yığımlar 15% artıb

Dövlət Vergi Xidmətinin məlumatına görə, iki ayda məcburi sosial sığorta haqları üzrə yığımlar 862,8 milyon manat təşkil edib (2023-cü ilin yanvar-fevralı ilə müqayisədə 15,4% və ya 115,2 milyon manat artım). O cümlədən 563,7 milyon manat (+15,6%) qeyri-büdcə təşkilatlarından daxil olub.

İşsizlikdən sığorta üzrə yığımlar 29,7 milyon manat (+18,5%), o cümlədən qeyri-büdcə təşkilatlarından 22,8 milyon manat (+16,7%) təşkil edib.

Yanvar-fevral aylarında icbari tibbi sığorta üzrə yığımlardan daxilolmalar 153,2 milyon manat (+15,5%), o cümlədən qeyri-büdcə təşkilatlarından 110,4 milyon manat (+13,9%) təşkil edib.