2024-cü ilin dövlət büdcəsinin gəlirləri üzrə proqnoz 6,4% artırılıb

2024-cü il dövlət büdcəsində gəlirlər 36353,0 milyon manat proqnozlaşdırılır ki, bu da təsdiq olunmuş göstəriciyə nisbətən 2180,0 milyon manat və ya 6,4% çoxdur. Bu barədə Azərbaycan Respublikasının maliyyə naziri Samir Şərifov məlumat verib. 

 

Onun sözlərinə görə, dövlət büdcəsinin gəlirlərinin 48,9% və ya 17769,0 milyon manatı neft sektorunun, 51,1% və ya 18584,0 milyon manatı qeyri-neft sektorunun payına düşür.

 

 

 

 

Bütövlükdə dövlət büdcəsi gəlirlərinin tərkibində qeyri-neft gəlirlərinin xüsusi çəkisi təsdiq olunan göstərici ilə müqayisədə 1,3% artaraq 51,1% təşkil edəcək.  

 

2024-cü il dövlət büdcəsində xərclər 39707,3 milyon manat  məbləğində proqnozlaşdırılır ki, bu da təsdiq olunan göstəriciyə nisbətən 2944,3 milyon manat və ya 8%, 2023-cü ilin faktiki icra göstəricisi ilə müqayisədə isə 3249,4 milyon manat  və ya 8,9 faiz çoxdur.

2024-cü il dövlət büdcəsi xərclərinin  58% cari xərclərərin, 38,7% - əsaslı xərclərin, 3,3%-i -  dövlət borcuna xidmətlə bağlı xərclərə və s aiddir.