Əmlak Məsələləri Dövlət Xidməti büdcəyə ödəmələri 22 % artırıb

2024-cü ilin yanvar-mayında İqtisadiyyat Nazirliyi yanında Əmlak Məsələləri Dövlət Xidməti (ƏMDX) dövlət büdcəsinə 74,4 milyon manat köçürüb ki, bu da ötən ilin eyni dövrü ilə müqayisədə 21,6% çoxdur. Bu barədə ƏMDX məlumat yayıb. 

 

Hesabat dövründə ödənişin 59,2 milyon manatı (25,4 % çox) özəlləşdirmə, 15,2 milyon manatı (8,5 % çox) isə icarə hesabına təmin edilib.

 

5 ayda qurum 23 özəlləşdirmə hərracı keçirib, hərraclarda 3 səhmdar cəmiyyətinin səhm paketi, 2 kiçik dövlət müəssisəsi, 313 nəqliyyat vasitəsi özəlləşdirilib.

 

 

2024-cü ilin yanvar-mayında dövlət büdcəsinin icrasında 2533,0 milyon manatlıq və ya ÜDM-in 5,3%-i qədər profisit yaranıb. 
 
Hesabat dövründə dövlət büdcəsinin gəlirləri 16005,9 milyon manat, xərcləri 13472,9 milyon manat təşkil edib.