Bakı Fond Birjasında Mərkəzi Bankın repo hərracı keçirilib

25 aprel 2025-ci il tarixində Azərbaycan Respublikasının Mərkəzi Bankı tərəfindən Bakı Fond Birjasında 7 günlük repo hərracı təşkil olunub.

Hərrac zamanı nominal dəyəri 600 milyon manat olan repo predmeti satışa çıxarılıb. Sifarişlərin ümumi həcmi 575 milyon manat təşkil edib və bu məbləğin tamamı yerləşdirilib.

Əməliyyat üzrə faizlər 7.20%-dən 7.24%-dək dəyişib. Kəsmə faizi və maksimal faiz 7.24%, orta çəkili faiz dərəcəsi isə 7.23% olub.

Repo müddəti 7 gün olaraq müəyyən edilib. Hərracda ümumilikdə 9 investor iştirak edib və 9 sifariş təqdim olunub.