İsrail SOCAR-ın “Tamar” qaz yatağındakı aldığı payı təsdiqləyib

İsrailin Antiinhisar İdarəsi Azərbaycan Dövlət Neft Şirkəti SOCAR-ın “Tamar” qaz yatağında 10%-lik pay əldə etməsi ilə bağlı israilli milyarder Aharon Frenkel ilə bağladığı müqaviləni təsdiqləyib. Bu barədə İsrailin yerli KİV-ləri xəbər verib.

Müqavilənin tam qüvvəyə minməsi üçün İsrailin Energetika Nazirliyi nəzdindəki Neft Şurasının da təsdiqi tələb olunur.

Frenkelə məxsus daşınmaz əmlak, mülki aviasiya, enerji və yüksək texnologiyalar sahələrinə sərmayə yatıran “Lloyd’s Group” şirkəti ilə SOCAR arasında sövdələşmə yanvar ayının sonunda imzalanıb. İsrail mediası bildirir ki, təsdiq şərti ilə verilib – SOCAR şirkəti artıq geoloji kəşfiyyat lisenziyalarına sahib olduğu ərazilərdə hasilat həyata keçirməyəcək.

“Tamar” yatağı 2009-cu ildə Hayfa sahillərindən təxminən 90 km qərbdə kəşf olunub və İsrailin əsas təbii qaz ehtiyatlarından biri hesab olunur.

N.Təbrizli