Qızılın qiyməti dolların zəifləməsi fonunda 3.300 dolları keçib

Qızılın qiyməti yüksək səviyyəyə qalxaraq bir unsiya üçün 3.306,84 ABŞ dollarına çatıb.

Bahalaşmaya ABŞ dollarının zəifləməsi və Konqresdə genişmiqyaslı vergi islahatlarının müzakirəsi fonunda maliyyə qeyri-müəyyənliyi səbəb olub.

Nyu-Yorkun COMEX əmtəə birjasında qızıl fyuçersləri 0,68% bahalaşıb.

Bundan əlavə, COMEX-də gümüşün bir unsiyası üzrə fyuçerslərinin qiyməti 0,36% artaraq 33,295 dollar olub.

İnvestorlar qeyri-müəyyənlik şəraitində daha təhlükəsiz aktivlərə üstünlük verir.

Aytac Zeynalova