Bu il iyulun 1-nə geniş mənada pul kütləsi (M3 aqreqatı) Azərbaycanda 48 milyard 468 milyon manat təşkil edib. Bu göstərici aylıq müqayisədə 0,3 %, ilin əvvəlinə nisbətən 4,2 %, ötən ilin eyni dövrü ilə müqayisədə isə 7,6 % artım deməkdir. Məlumatı Azərbaycan Mərkəzi Bankı yayıb.
Manatla pul kütləsi (M2 aqreqatı) iyulun əvvəlində 36 milyard 817,8 milyon manata çatıb. Bu, iyun ayı ilə müqayisədə 2,9 %, ilin əvvəli ilə müqayisədə 0,5 %, ötən ilin eyni dövrü ilə müqayisədə isə 4,8 % artım deməkdir.
Tələbli depozitlərdən ibarət M1 aqreqatı 29 milyard 430 milyon manat olub. Bu göstərici ay ərzində 3,8 % artıb, lakin ilin əvvəlindən bəri 0,7 % azalıb. İl ərzində isə 3,1 % artım qeydə alınıb.
Bank sistemindən kənarda olan nağd pul (M0 aqreqatı) isə 16 milyard 513,5 milyon manat təşkil edib. Bu göstərici aylıq müqayisədə 2,1 %, ilin əvvəlindən bəri 4,1 %, ötən ilin eyni dövrü ilə müqayisədə isə 5,9 % artlb.
Foto
Video
