TAP boru kəməri ilə Avropaya qaz tədarükü sentyabrın 1-də 6% artıb

Sentyabrın 1-də Azərbaycan qazını Avropaya daşıyan Trans-Adriatik Boru Kəmərinin (TAP) Yunanıstanın Kipoi çıxış nöqtəsindən 366,96 milyon kVt/saat həcmində sifariş alınıb. Bu, əvvəlki həftənin eyni günü ilə müqayisədə 6 % artım deməkdir.

Sentyabrın 2-dən 8-dək Kipoi nöqtəsindən sifarişlər 331,02 milyon kVt/saat təşkil edib ki, bu da əvvəlki göstəricilərlə müqayisədə 4,3–4,4 % azalma deməkdir.

İtaliyanın Melenduqno çıxış nöqtəsindən sentyabrın 1-də 301,94 milyon kVt/saat sifariş qeydə alınıb – əvvəlki həftəyə nisbətən 5,9 % artım. Amma sentyabrın 2–8-də bu nöqtə üzrə sifarişlər 271,99 milyon kVt/saat olub və əvvəlki həftəyə nisbətən 3,1–4,6 % azalıb.

Yunanıstanın digər iki çıxış nöqtəsində – Komotini və Nea Mesimvria – gündəlik sifariş həcmi dəyişməyib: müvafiq olaraq 28,67 milyon və 30,35 milyon kVt/saat.

TAP-ın ümumi uzunluğu 878 km-dir və 2020-ci ilin dekabrından Azərbaycan qazı bu kəmərlə Avropaya ixrac olunur.

Gülnar