TAP ilə Azərbaycandan Avropaya qaz tədarükü sifarişlərinin həcmləri azalıb

2025-ci ilin sentyabrın 8-də Trans-Adriatik Boru Kəməri (TAP) Yunanıstanın Kipoi çıxış nöqtəsindən 366 milyon 937 min 291 kVt/saat həcmində sifariş alınıb.Bu da ötən həftənin göstəriciləri ilə müqayisədə 0,005 % azdır. Bu barədə TAP-ın elektron platformasında məlumat dərc olunub.

Yunanıstanın Komotini çıxış nöqtəsindən sentyabrın 8-dən 15-dək hər gün üçün gündəlik sifarişlər ötən həftənin göstəricisi kimi 28 milyon 674 min 418 kVt/saat həcmində qeydə alınıb.

Yunanıstanın Nea Mesimvria çıxış nöqtəsindən sentyabrın 8-dən 15-dək 30 milyon 346 min 301 kVt/saat həcmində sifariş alınıb. Bu, daha əvvəlki həftənin sifariş həcmi ilə müqayisədə eynidir.

İtaliyanın Melenduqno çıxış nöqtəsindən qazın tədarükü üçün sentyabrın 8-də 305 milyon 420 min 315 kVt/saat həcmində sifarişlər qəbul edilib. Bu, sentyabrın 1-nə olan sifariş göstəriciləri ilə müqayisədə 1,15 % çoxdur.

Bu çıxış nöqtəsindən qazın tədarükü üçün sentyabrın 9-dan 15-dək 271 milyon 999 min 147 kVt/saat həcmində sifarişlər qəbul edilib. Bu, sentyabrın 2-nə olan sifariş göstəriciləri ilə müqayisədə təxminən 10,16 % azdır.

Sentyabrın 3-nə və 5-nə olan sifariş göstəriciləri ilə müqayisədə 10,94 %, sentyabrın 6-na və 7-nə olan sifariş göstəriciləri ilə müqayisədə isə 13,22 % azdır.

Azərbaycan qazının Avropaya tədarükü Cənub Qaz Dəhlizinin tərkib hissəsi olan Trans-Adriatik Boru Kəməri (TAP) vasitəsilə 2020-ci ilin sonunda başlayıb. Hazırda kəmərin ötürücülük qabiliyyəti ildə 12 milyard kubmetr qaz təşkil edir və 2027-ci ilin sonunadək 20 milyard kubmetrə çatdırılması nəzərdə tutulub.

 Bakı-Tbilisi-Ərzurum kəməri ilə ilk qaz Türkiyə bazarına 2007-ci ildə daxil olub. TANAP vasitəsilə Türkiyəyə kommersiya qazının nəqlinə isə 2018-ci il iyunun 30-da başlanılıb.

Aytac