Azərbaycanın çay ixracı 2025-ci ilin ilk 8 ayında artıb

Azərbaycan 2025-ci ilin səkkiz ayında 491,61 ton çay ixrac edib. Bu, ötən ilin eyni dövrü ilə müqayisədə 0,6% artım deməkdir. Bu barədə Dövlət Gömrük Komitəsinin səkkiz aylıq hesabatında qeyd olunub.

İxrac olunan çayın statistik dəyəri 4,46 milyon ABŞ dolları təşkil edib ki, bu da illik müqayisədə 2,1% çoxdur.

2024-cü ilin eyni dövründə çay ixracı 488,55 ton, statistik dəyəri isə 4,37 milyon dollar olmuşdu.

Azərbaycan çay ixracı əsasən Cənubi Qafqaz və MDB ölkələrinə, o cümlədən Rusiya, Qazaxıstan və Gürcüstana yönəlib. İxrac olunan çay yerli istehsalçılar tərəfindən əsasən Lənkəran, Astara və Masallı bölgələrində yetişdirilir və emal olunur.

Ölkədə son illər çayçılığın inkişafı üzrə dövlət proqramları həyata keçirilir. Yerli istehsal həcminin artması, məhsulun qablaşdırılması və markalaşması ixrac potensialına müsbət təsir edir.

2025-ci ilin göstəricilərində həm həcmi, həm də dəyəri üzrə artımın olması, dünya bazarlarında çaya olan stabil tələbat və Azərbaycan çayının tanıdılması istiqamətində atılan addımlar ilə əlaqələndirilir.

Gülnar