PAŞA bank risklərə qarşı profilaktik addımlar atır - Bank rəsmisi

PAŞA banka heç bir kiberhücum həyata keçirilməyib. Bunu PAŞA bankın komplayns üzrə Baş direktoru Anar Kərimov deyib.

"Heç bir aktual problemimiz yoxdur, son hadisələrdən sonra bütün tədbirlər görülüb. Vətəndaşların maarifləndirilməsi istiqamətində müxtəlif tədbirlər görülür. Bu tədbirlər çərçivəsində kart məlumatlarının qorunması, təhlükəsiz əməliyyatların aparılması və şübhəli hallarda rəsmi sistemlərə müraciət edilməsi barədə əhalidə məlumatlılıq artırılır ,” –  bank rəsmisi bildirib.

Bank nümayəndəsi həmçinin qeyd edib ki, hazırda sistemdə ciddi texniki problem yoxdur və mövcud risklərə qarşı profilaktik addımlar atılıb.  Bu kimi halların qarşısını almaq üçün bank əməliyyatları zamanı yalnız rəsmi kanallardan istifadə etmək, şübhəli zənglərə və mesajlara cavab verməmək vacibdir.

Aytac Zeynalova