Gümüşün qiyməti tarixdə ilk dəfə 54 dollara yüksəlib

Dekabr 2025-ci il tədarükü üzrə gümüş fyuçerslərinin qiyməti “Comex” birjasında tarixdə ilk dəfə bir troya unsiyası üçün 54 ABŞ dollarını ötüb.

Ticarət məlumatlarına əsasən, Bakı vaxtı ilə saat 07:55-də qiymət 6,01 % artaraq 54,0350 dollar, saat 08:20-də isə 54,2 dollar səviyyəsinə çatıb (+6,34 %).

Eyni zamanda, dekabr 2025-ci il tədarükü üzrə qızıl fyuçerslərinin qiyməti “Comex”də bir unsiya üçün 4 217,2 dollar olub (+0,09 %).

Ekspertlər qiymət artımını sənaye tələbatının yüksəlməsi və bazarda risklərin artması ilə əlaqələndirirlər.

N.Təbrizli