Azərbaycanda dövriyyədə olan ödəniş kartlarının sayı artıb

Banklar və “Azərpoçt” MMC üzrə dövriyyədə olan ödəniş kartlarının sayı oktyabrın sonunda əvvəlki ayla müqayisədə 334 min artaraq 21 milyon 701 min ədədə çatıb.Bu barədə Mərkəzi Bankdan bildirilib.

Ötən ilin eyni dövrü ilə müqayisədə kartların ümumi sayı 13,3% yüksəlib.

Debet kartlarının sayı 16% artdığı halda, kredit kartlarında 5,2%-lik azalma qeydə alınıb.

Kartların sayındakı artım nağdsız ödənişlərin həcminə də təsir göstərib.

Oktyabrda ölkədaxili nağdsız əməliyyatların həcmi illik müqayisədə 17,6% artaraq 8,825 milyon manat təşkil edib. Bu məbləğin 7,776 milyon manatı elektron ticarətin, 1,045 milyon manatı POS-terminalların, 4 milyon manatı isə özünəxidmət terminalları və bankomatların payına düşüb.

İlin əvvəlindən kartlarla aparılan nağdsız ölkədaxili əməliyyatlar ümumi kart dövriyyəsinin 67,5%-ni təşkil edib.

Banklar və “Azərpoçt”un ödəniş xidməti infrastrukturunda da genişlənmə müşahidə olunub: ötən ilin oktyabr ayının sonu ilə müqayisədə bankomatların sayı 8,1%, POS-terminalların sayı isə 60,4% artıb.

Aytac