Azərbaycan Türkiyədən poladın idxalına çəkdiyi xərci 14 %-dən çox azaldıb

Yanvar ayında Azərbaycan Türkiyədən 8,191 milyon ABŞ dolları dəyərində polad idxal edib. Bu, ötən ilin eyni dövrü ilə müqayisədə 14,2% azalma deməkdir.

Hesabat dövründə Türkiyənin polad ixracının ümumi dəyəri illik müqayisədə 12,9% azalaraq 1,085 milyard ABŞ dolları təşkil edib.

Yanvar ayında Türkiyədən polad idxal edən əsas ölkələr sırasında İtaliya (60,561 milyon ABŞ dolları, illik 34,8% artım), Almaniya (58,559 milyon ABŞ dolları, 7,8% azalma) və Rumıniya (51,147 milyon ABŞ dolları, 50,6% azalma) yer alıb.