İstanbul-Bakı və Bakı-İstanbul aviareysləri təxirə salındı

Bu gün saat 13:30-da İstanbuldan Bakıya gəlməsi gözlənilən aviareys təxirə salınıb.Bu barədə «APA-Economics»ə Heydər Əliyev Beynəlxalq Hava Limanından məlumat verilib. Məlumata əsasən, Türkiyədə müşahidə olunan şaxtalı hava şəraiti ilə əlaqədar olaraq «Türk Hava Yolları» şirkətinin 332 nömrəli aviareysini yerinə yetirən «Boeing-737-400» təyyarəsi İstanbulun Atatürk Hava Limanında Bakı istiqamətində yola düşməyib. Bu səbəbdən həmin təyyarə ilə əks istiqamətdə yerinə yetirilməsi planlaşdırılan Bakı-İstanbul aviareysi də təxirə salınıb. Qeyd edək ki, bu gün saat 13:30-a təyin olunan aviareysin sərnişinləri İstanbuldan Bakıya saat 19:35-də gəlməsi gözlənilir. Əks istiqamətdə aviareys isə ilkin olaraq saat 20:35-ə təyin olunub. ANN.Az