Azərbaycan və Slovakiya turizm əməkdaşlığına dair memorandum imzalayıb

Azərbaycan Turizm Bürosu ilə “Slovakia Travel” arasında əməkdaşlıq memorandumu imzalanıb.

Sənəd Bakıda keçirilən Azərbaycan–Slovakiya Biznes Forumu çərçivəsində imzalanıb.

Memorandumu Azərbaycan Turizm Bürosunun İdarə Heyəti sədrinin müavini Teymur Süleymanzadə və “Slovakia Travel”in baş icraçı direktorunun müavini Martina Urik Viktorinova imzalayıblar.

Sənədin iki ölkə arasında turizm əlaqələrinin genişləndirilməsinə, qarşılıqlı səfərlərin təşviqinə və birgə layihələrin həyata keçirilməsinə töhfə verəcəyi gözlənilir.

N.Təbrizli