Azərbaycan neftinin qiyməti 91 dollara düşüb

Dünya bazarlarında Azərbaycanın etalon ixrac nefti olan "Azeri Light" markasının qiyməti geriləyərək 92 dollar həddinin altına düşüb. Qiymətlərdəki aşağıyönlü dinamika beynəlxalq birjalarda etalon xam neft növlərinin ümumi korreksiyası fonunda baş verib.

"OilPriceAPI" və birja məlumatlarına istinadən, İtaliyanın Auqusta limanında CIF şərtləri ilə "Azeri Light" neftinin bir barelinin qiyməti 91.17–91.22 dollar səviyyəsinə enib. Şimal dənizi etalonu olan "Dated Brent" neftinin qiyməti isə müvafiq olaraq 85.74 dollaradək geriləyib.

Qiymətlərin nisbi düşməsinə baxmayaraq, Azərbaycan neftinin dəyəri ölkənin 2026-cı il dövlət büdcəsində nəzərdə tutulan 65 dollarlıq baza qiymətini üstələməkdə davam edir. Qeyd edək ki, "Azeri Light" nefti Azərbaycan Dövlət Neft Şirkətinin (SOCAR) 31,65%-lik paya sahib olduğu "Azəri-Çıraq-Günəşli" (AÇG) yataqlar bloku çərçivəsində hasil edilir.

N.Təbrizli