Azərbaycanda kənd təsərrüfatı məhsullarının istehsalı yanvar-avqustda 2,6% artıb

Azərbaycanda kənd təsərrüfatı məhsullarının istehsalı 2026-cı ilin yanvar-avqust aylarında əvvəlki ilin eyni dövrü ilə müqayisədə real ifadədə 2,6% artaraq faktiki qiymətlərlə 10.06 milyard manat təşkil edib. Bu barədə Dövlət Statistika Komitəsindən bildirilib. 

Bitkiçilik məhsullarının istehsalı 3,1%, heyvandarlıq məhsullarının istehsalı isə 2% artıb. Ümumi istehsalın yarısı bitkiçiliyin, digər yarısı heyvandarlığın payına düşüb.

Kənd təsərrüfatında artım tempi yanvar-iyul aylarındakı 2,8%-dən səkkiz ayın yekununda 2,6%-ə zəifləyib. Bu dövrdə bitkiçilik üzrə artım 3,2%-dən 3,1%-ə, heyvandarlıq üzrə isə 2,4%-dən 2%-ə enib.

Gülnar Nazimqızı