“Azeri Light” neftinin qiyməti 4,1% ucuzlaşıb

Dünya bazarında “Azeri Light” markalı Azərbaycan neftinin bir barelinin qiyməti 5,1 dollar və ya 4,11% azalaraq 119,04 dollara düşüb.

Hərracların nəticələrinə görə, “Brent” markalı neftin dekabr fyuçerslərinin qiyməti 125,98 dollar təşkil edib.

Türkiyənin Ceyhan limanında FOB bazasında “Azeri Light” neftinin bir bareli 4,3 dollar və ya 3,81% ucuzlaşaraq 108,49 dollar olub.

Azərbaycanın 2026-cı il dövlət büdcəsində bir barel neftin orta qiyməti 65 dollar götürülüb.

“Azeri Light” neftinin ən aşağı qiyməti 2020-ci il aprelin 21-də 15,81 dollar, ən yüksək qiyməti isə 2008-ci ilin iyulunda 149,66 dollar təşkil edib.

Azərbaycan bu markalı nefti “Azəri-Çıraq-Günəşli” (AÇG) yataqlar blokunda hasil edir. Hasilatın pay bölgüsü sazişində Azərbaycan Dövlət Neft Şirkətinin (SOCAR) payı 35,3% təşkil edir.