Kanadadan olan hindu qəbiləsinin nümayəndəsi Eşli Bernhem "Dünya gözəli-2015” tacını qazanıb. Modern.az xarici KİV-ə istinadən xəbər verir ki, gözəllik yarışması avqustun 24-dən 30-na qədər Belarusun paytaxtı Minskdə keçirilib.

"Mən fəxr edirəm, artıq deyə bilərəm ki, yeni dünya gözəliyəm. Mən bu titulu qazanan xalqımın ilk qadınıyam. Mən həm də kanadlı ilk nümayəndəyəm ki, bu yarışmada qalib gəlmişəm”, - qarabuğdayı gözəl öz heyranlığını belə bölüşüb. Minskdə qalib gəlmək uğrunda dünyanın hər yerindən olan sosial fəal 60-dan çox ərdə olan xanım yarışıb. Müsabiqənin məqsədi qadınlara qarşı zorakılığa diqqəti cəlb etmək olub. Bundan əvvəl belə müsabiqə Bolqarıstan, Latviya, Karib Adalarında, Rusiya, Malayziya və digər ölkələrdə keçirilib.