Altı nəfər insanların gözü önündə güllələnib.

"İslam dövləti” (İŞİD) ekstremist təşkilatı dünən siqaret satışına aidiyyatı olan altı nəfəri edam edib.

Oxu.Az bu barədə ABNA News-a istinadən xəbər verir ki, yerli polis şübhəliləri saxladıqdan sonra şəriət məhkəməsi İŞİD xilafətinin qaydalarını pozanlara ölüm hökmü çıxarıb.

Edam Ninava əyalətinin şimali-qərbində Mosul şəhərində baş tutub. Altı nəfər şəhərin meydanında insanların gözü qarşısında güllələnib. Daha sonra onların cəsədləri Mosulda Əl-tib əl-Adli xəstəxanasına aparılıb.  

İŞİD-in nəzarət etdiyi ərazidə siqaret çəkmək və tütün məhsullarının satışı qadağandır. Qaydaları pozanlar sərt cəzalara məruz qalırlar, bu şəxslər əsasən edam edilirlər.