Fransa orkestri Qara Qarayevin əsərini səsləndirəcək

Konsert 2016-cı ilin yanvarında olacaq

Lamuryö orkestri Parisin "Champs-Élysées" teatrında Fransa, Rusiya və Azərbaycan bəstəkarlarının əsərlərindən ibarət konsert verəcək. 

"Report" xəbər verir ki, bu barədə məlumatı Mədəniyyət və Turizm Nazirliyi yayıb.

Teatrın saytında yer alan məlumata görə, 2016-cı il yanvarın 24-də baş tutacaq "Haute couture" adlı konsertin proqramına azərbaycanlı bəstəkar Qara Qarayevin "Yeddi gözəl" baleti də daxil edilib. 

Qeyd edək ki, orkestrə Antoine Marguier dirijorluq edəcək.