Eros Ramazotti Bakıda konsert verəcək
14.12.2015 13:37
Məşhur italiyalı müğənni Eros Ramazotti Bakıda ilk dəfə konsert proqramı ilə çıxış edəcək.
Heydər Əliyev Mərkəzindən APA-va verilən məlumata görə, möhtəşəm şounun biletləri yanvar ayından satışa çıxarılacaq.
Mərkəzin dəstəyi ilə keçiriləcək konsertin 2016-cı il aprelin 24-də baş tutacağı gözlənilir.
1982-ci ildə ilk mahnısını təqdim edən bəstəkar-müğənni Eros Ramazotti iki il sonra San-Remo festivalında çıxış edib. Festivalın "Debütantlar” nominasiyasında qalib olan Ramazotti karyerasına məşhur müğənni kimi imza atıb.
Bu günədək 13 musiqi albomu işıq üzü görən Eros Ramazottinin mahnıları İtaliya, Almaniya, Avstriya və Avropanın bir sıra ölkələrində musiqi hitlərinə liderlik edib. Eros Ramazottinin 2015-ci ildə çıxan 13-cü "Perfetto” adlı musiqi albomu 38 ölkədə "ən yaxşı 20-lər” sırasına daxil olub.
Qeyd edək ki, Ramazottinin Bakı konserti də "Perfetto” dünya turu çərçivəsində təşkil olunacaq.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
