Elnur yenidən “O səs Türkiyə” səhnəsində – VİDEO

Oxu.Az xəbər verir ki, o, "Eurovision”da ifa etdiyi "Hour of the Wolf” mahnısının remiks versiyasını səsləndirib.

Qeyd edək ki, Elnur 2003-cü ildən musiqi fəaliyyətinə başlayıb. O, 2003-cü ildə Lider TV-də yayımlanan "Sing Your Song” müsabiqəsini qalibi olub.

2008-ci ildə "Eurovision” mahnı müsabiqəsində Samir Cavadzadə ilə birlikdə "Day After Day” mahnısı ilə Azərbaycanın ilk təmsilçisi olublar. Onlar müsabiqədə 8-ci yeri tutublar. Müsabiqədə iştirakından sonra qısa müddət Ukraynada fəaliyyət göstərib və bir müddət Azərbaycanda müxtəlif konsert və şoularda çıxış edib.

Elnur karyerasında növbəti uğurunu 2015-ci ildə qazanıb. O, 2014-2015 mövsümündə TV8 kanalında yayımlanan "O Səs Türkiyə” müsabiqəsində qalib olub. 

2015-ci ildə "Eurovision” mahnı müsabiqəsində yenidən Azərbaycanı təmsil etmək hüququ əldə edib. Bu dəfə o, "Hour Of The Wolf” mahnısı ilə çıxış edib və yekunda 13-cü olub.