Bakıda“Ötəri” sərgisi keçirilib

“Sirr Art” rəssamlıq kursunun “Ötəri” adlı illik hesabat sərgisi keçirilib. 

Kursun rəhbəri Səriyyə Yarıyeva bildirib ki, “Sirr Art” artıq üç ildir fəaliyyət göstərir və hər il ənənəvi hesabat sərgisi təşkil olunur.

"Bu ilki sərgidə 50 rəssamın əsərləri nümayiş olunub. Ötən il bu rəqəm 39 idi. Növbəti il üçün də yeni sərgi planlaşdırılır",- Yarıyeva bildirib.

Kursun müəllimi, Rəssamlar İttifaqının üzvü Ərkinaz Salmanzadə deyib ki, “Sirr Art”ın yaranma ideyası üç il əvvəl onun və şagirdi Səriyyə Yarıyevanın təşəbbüsü ilə ortaya çıxıb.

“Biz birlikdə bu kursu yaratmağa qərar verdik və beləliklə, bu nağıl başladı. Hər il hesabat sərgisi keçirməyi qərara aldıq. Burada həm şagirdlərimizin, həm də bizim rəsmlərimiz nümayiş olunur. Sərginin adı ‘Ötəri’ olsa da, xatirələr əbədidir. Burada ötərilikdən əsər-əlamət yoxdur, hər şey əbədidir.”,- Ərkinar Salmanzadə vurğulayıb.

Kursun meneceri və “Həvəskar dərslər” fənninin müəllimi Asifə Cumayeva isə qeyd edib ki, artıq iki ildən çoxdur burada fəaliyyət göstərir.

“Mən həm menecer, həm də müəllim kimi çalışıram. Kursa yaş məhdudiyyəti olmadan qəbul aparılır — 4 yaşından yuxarı hər bir şəxs qeydiyyatdan keçə bilər. Ən yaşlı tələbəmiz 65 yaşındadır.

Aytac Zeynalova