Macarıstanın MOL şirkəti Xəzərin Azərbaycan sektorunda yerləşən "Azəri-Çıraq-Günəşli” (AÇG) yataqlar bloku və Azərbaycan neftinin əsas ixrac kəməri - Bakı-Tbilisi-Ceyhan (BTC) boru kəmərində pay almaq üçün saziş imzalyıb.

Bu barədə MOL şirkəti məlumat yayıb.

"MOL Group” ABŞ-ın "Chevron” şirlətinin AÇG-dəki 9,57% və BTC-dəki 8,9%-lik payını almaq üçün razılaşıb. "MOL "Chevron Global Ventures Ltd” və "Chevron BTC Pipeline” şirkətləri ilə AÇG-dəki 9,57%-lik və BTC-dəki 8,9%-lik payın alınması üçün müqavilə imzalayıb. Müqavilənin dəyəri 1,57 mlrd. ABŞ dolları (alqı-satqı tamamlanarkən düzəliş mümkündür) təşkil edir",- məlumatda qeyd edilib.

Sövdələşmənin başa çatması ilə MOL AÇG-nin üçüncvü ən böyük tərəfdaşı olacaq.

www.anews.az