Quam adası sakinlərinə səhvən təhlükə haqqında xəbərdarlıq edilib

anews.az-ın Report-a istinadən məlumatına görə, bu haqda "The Guardian” qəzeti xəbər verib.

Nəşrin məlumatına görə, Quamın radio dinləyiciləri yerli vaxtla saat 00:25-də qeyri-müəyyən təhlükə barədə xəbərdar ediliblər. Qeyd edilir ki, həyəcan 15 dəqiqə davam edib.

Ada hakimiyyətinin bəyanatına əsasən, radio dinləyicilərinin təhlükə haqqında aldığı xəbərdarlıq fövqəladə vəziyyət halında əhalinin bildiriş alması sisteminin plandan kənar yoxlaması olub. Həmçinin qeyd edilir ki, hakimiyyət gələcəkdə belə hadisənin təkrarlanmayacağına əmin olmaq üçün radiostansiyaların rəhbərliyi ilə söhbət aparıb.