Ermənistan XİN Merkelin Bakını səhv salması barədə

Oxu.Az xəbər verir ki, bununla bağlı Ermənistan XİN-in məbuat katibi Anna Naqdalyan məlumat verib. 

"Alman həmkarlarımız bildirdilər ki, səhvlərə səbəb sırf insan faktoru olub”, - Naqdalyan bildirib. 

Xanım Merkelin Ermənistana səfərinə toxunan Naqdalyan deyib ki, səfərin nəticəsində birgə layihələr və sərmayələrlə bağlı konkret razılaşmalar əldə edilib. 

O əlavə edib ki, Almaniya regionda sülh və sabitliyin saxlanılmasında maraqlıdır. 

Xatırladaq ki, Merkelin Cənubi Qafqaz səfəri avqustun 23-də başlayıb. O, əvvəlcə Gürcüstana, oradan Ermənistana, daha sonra isə Azərbaycana gəlib.