Azərbaycan, Pakistan və Türkiyə bir millətin üç dövləti kimi hərəkət edir - Pakistan sədri

Pakistan, Azərbaycan və Türkiyə suverenlik prinsipləri əsasında birgə addımlar atmalı və qarşılıqlı əlaqələri daha da gücləndirməlidir. Bunu Pakistan Senatının sədri Syed Yusuf Rza Gilani  "Konstitusiya müasir dünyada dövlətlərin müstəqilliyinin və suverenliyinin təməli kimi" mövzusuna həsr olunan konfransda bildirib.

“Gəlin, ölkələrimiz arasında körpüləri davam etdirək. Biz üç dövlətik – Azərbaycan, Pakistan və Türkiyə, amma bir millətik,” – Gilani vurğulayıb.

Pakistan, Azərbaycan və Türkiyə arasında siyasi və hərbi əməkdaşlıq son illərdə dərinləşib. Üçtərəfli parlament formatı və birgə təlimlər regional təhlükəsizlik, müdafiə və iqtisadi əlaqələrin möhkəmləndirilməsinə yönəlib. Pakistan Qarabağ məsələsində daim Azərbaycanın ərazi bütövlüyünü dəstəkləyib.

Gülnar