Bu il Azərbaycan və Ermənistan arasında sülh müqaviləsi imzalanacaq? Prezident açıqladı

Prezident İlham Əliyev Münxendə Azərbaycan telekanallarına müsahibəsində bu il Azərbaycan və Ermənistan arasında sülh müqaviləsinin imzalanıb-imzalanmayacağı məsələsinə aydınlıq gətirib.

Dövlət başçısı müsahibəsində bildirib ki, bu məsələ “bizdən asılı deyil” və danışıqların nəticəsi Ermənistanın daxili hüquqi addımlarından asılıdır. Onun sözlərinə görə, Azərbaycanın mövqeyi uzun illərdir Ermənistan tərəfinə çatdırılıb və yalnız Ermənistan Konstitusiyasına lazımi dəyişikliklər edildikdən sonra sülh müqaviləsi imzalanmasının mümkünlüyü gündəmdədir.

“Ermənistanın Konstitusiyasına lazımi dəyişikliklər edilən kimi, ertəsi gün biz sülh müqaviləsini imzalaya bilərik,” — Əliyev vurğulayıb.

Prezident qeyd edib ki, artıq iki ölkə arasında sülh mövcuddur və yalnız hüquqi tələblər yerinə yetirildikdən sonra rəsmi sənəd imzalanacaq.