Putin İlham Əliyevi Müstəqillik Günü münasibətilə təbrik edib

Rusiya prezidenti Vladimir Putin İlham Əliyevə Azərbaycanın Müstəqillik Günü münasibətilə təbrik məktubu göndərib.

Təbrikdə Putin Azərbaycanın iqtisadi və sosial sahələrdə mühüm uğurlar qazandığını və beynəlxalq arenada nüfuzunu artırdığını bildirib.

Rusiya lideri qeyd edib ki, Moskva Bakı ilə dostluq və müttəfiqlik münasibətlərinə böyük əhəmiyyət verir.

“Əminəm ki, müxtəlif sahələrdə ikitərəfli səmərəli əməkdaşlığın, həmçinin regional və beynəlxalq məsələlərdə tərəfdaşlıq qarşılıqlı fəaliyyətinin birgə səylərlə daha da inkişafını təmin edə bilərik”, - məktubda deyilir.

Putin vurğulayıb ki, bu əməkdaşlıq Rusiya və Azərbaycan xalqlarının maraqlarına cavab verir və Cənubi Qafqaz ilə Xəzər dənizində təhlükəsizlik və sabitliyin möhkəmlənməsinə xidmət edir.

Rusiya Prezidenti məktubun sonunda İlham Əliyevə cansağlığı və uğurlar, Azərbaycan xalqına isə əmin-amanlıq və tərəqqi arzulayıb.