İnyasio Kassis ilk rəsmi səfərlə Azərbaycana gəlib

İsveçrə Federal Şurasının üzvü, Xarici İşlər Departamentinin rəhbəri və ATƏT-in fəaliyyətdə olan sədri İnyasio Kassis Azərbaycanda rəsmi səfərdədir.

Bu barədə diplomat özünün "X" sosial şəbəkəsindəki səhifəsində paylaşım edib.

"Azərbaycana ilk rəsmi səfərimi etməkdən şadam. İsveçrə Azərbaycan ilə tərəfdaşlığa yüksək dəyər verir", — deyə Kassis qeyd edib.

O bildirib ki, ATƏT-in fəaliyyətdə olan sədri sıfatı ilə Cənubi Qafqazda dialoq, sülh, sabitlik və tərəqqinin irəlilədilməsinə, eləcə də ticarət, innovasiyalar və iqtisadiyyat sahələrində əməkdaşlığın dərinləşdirilməsinə töhfə vermək niyyətindədir.

"Bu səfər daha geniş regional təmasların başlanğıcı olacaq", — deyə İnyasio Kassis vurğulayıb.

N.Təbrizli