Mirziyoyev Vaşinqton görüşünün nəticələrini Əliyevin diplomatiyasının qələbəsi adlandırıb

Özbəkistan Prezidenti Şavkat Mirziyoyev Azərbaycan Prezidenti İlham Əliyevin şəxsi diplomatiyasının nəticəsi kimi Azərbaycan, Ermənistan və ABŞ liderlərinin 2025-ci ilin avqustunda Vaşinqtonda keçirilmiş görüşünün nəticələrini qələbə adlandırıb.

Mirziyoyev bunu Azərbaycan-Özbəkistan Dövlətlərarası Şuranın 3-cü iclasında çıxışı zamanı deyib.

"Ötən ilin avqustunda Vaşinqtonda Azərbaycan, Ermənistan və ABŞ liderlərinin tarixi görüşünü və Birgə Bəyannamənin imzalanmasını şəxsi diplomatiyanızın parlaq qələbəsi kimi qiymətləndiririk. Sizi bir daha təbrik edir və yeni böyük uğurlar arzulayıram", – deyə o bildirib.

Mirziyoyev qeyd edib ki, İlham Əliyevin həyata keçirdiyi suveren siyasət Azərbaycanın beynəlxalq nüfuzunun möhkəmlənməsinə, həmçinin Cənubi Qafqazda sülh və quruculuq gündəliyinin irəliləməsinə xidmət edir.