Qurban Qurbanova qarşı hörmətsizlik
06.12.2017 10:56
Çempionlar Liqasının qrup mərhələsinin sonuncu turunda keçirilən "Roma” – "Qarabağ” (1:0) matçından sonra Qurban Qurbanovun iştirakı ilə təşkil olunan mətbuat konfransında xoşagəlməz anlar yaşanıb.
Anews.az Yenicag.az-a istinadən xəbər verir ki, Ağdam təmsilçisinin baş məşqçisi oyunla bağlı fikirlərini bildirən zaman "Sky Sport”un müxbiri konfransı kəsib, canlı yayıma bağlanıb. Qurbanov da bu məqamda çıxışını dayandıraraq müxbirin canlı yayımını bitirməsini gözləyib. O, bunun üçün təxminən 45 saniyə gözləməli olub. Bu məqamda baş məşqçi müxbirə ona mane olduğuna dair iradını da bildirib.
Məsələ ilə bağlı azərbaycanlı jurnalistlər "Roma”nın baş məşqçisi Eusebio Di Françeskoya "eyni situasiya ilə siz qarşılaşsaydınız, buna münasibətiniz necə olardı?” sualını verib. O isə belə suala cavab verməkdə çətinlik çəkdiyini bildirib.
www.anews.az
Foto 
Video 
