8 ayda Avropadan Azərbaycana nə qədər ətir ixrac olunub?
06.11.2023 16:04
2023-cü ilin səkkiz ayında Avropa İttifaqı (Aİ) ölkələrindən Azərbaycana ətir və tualet suyu ixracı illik hesablamada 9,6% - 183 tonadək artıb. Bu barədə İnterfaks-Azərbaycan Avropa İttifaqı Statistika İdarəsinə istinadən yazıb.
Bildirilir ki, tədarük pul ifadəsində 37,2% artaraq 12,724 milyon avroya çatıb.
8 ay ərzində ixracatçılar arasında pul ifadəsində yenidən Almaniya (6,355 milyon avro, artım 44,6%) lider olub.
2023-cü ilin I yarısında Azərbaycana ətir və tualet suyu idxalı 2022-ci ilin 6 ayı ilə müqayisədə miqdar ifadəsində 35,7%, dəyər ifadəsində 19,1% artıb.
Azərbaycana ətir və tualet suyu ixrac edən ölkələrin ilk üçlüyündə (tədarük dəyərinə görə - İF) BƏƏ ($1 milyon 951,84 min dəyərində 191,73 ton) və İspaniya ($1 milyon 381,17 min dəyərində 23,09 ton) da yer alıb.
Eurostatın məlumatına görə, Aİ ölkələri Azərbaycana ətir və tualet suyunun ixracını 2022-ci ildə 2021-ci illə müqayisədə 2,7% artıraraq 306 tona çatdırıb. Pul ifadəsində ixrac 60,2% artaraq 16,992 milyon avro olub.
Aytac Zeynalova
www.anews.az
Foto 
Video 
