Azərbaycan banklarının aktivləri 0,4% artıb

31 mart 2024-cü il tarixinə Azərbaycanın bank sisteminin cəmi aktivləri 48 milyard 909,9 milyon manat təşkil edib. Bu barədə Azərbaycan Mərkəzi Bankı məlumat verib. 
 
Eyni zamanda bankların balans kapitalı 6 milyard 297,5 milyon manat, cəmi öhdəlikləri isə 42 milyard 612,5 milyon manat olub. Bununla da martda bankların cəmi aktivləri 0,4%, cəmi öhdəlikləri 0,2% və balans kapitalı 1,8% artıb.
 
Bankların kredit porfeli martda 1,1% və ya 269,6 milyon manat artaraq 24 milyard 102,6 milyon manat olub.
 
Hesabat dövründə bankların biznes portfeli 137,8 milyon manat (artım 1,1%), istehlak porfeli 64,6 milyon manat (artım 0,9%), o cümlədən ipoteka porfeli 67,2 milyon manat (artım 1,8%) təşkil edib.
 
Bankların cəmi öhdəliklərinin 34 milyard 812,8 milyon manatını (81,7%) depozit portfeli təşkil edib. Depozit portfelinin 21 milyard 944,3 milyon manatı (63%) hüquqi şəxslərin, 12 milyard 868,5 milyon manatını (37%) fiziki şəxslərin depozitlərindən (fərdi sahibkarlıqla məşğul olan fiziki şəxslərin depozitləri istisna olmaqla)  ibarətdir.
 
Azərbaycan bank sektorun əməliyyat mənfəəti 2024-cü ilin yanvar-martında 444,6 milyon manat təşkil edib.
 
Bütövlükdə, hesabat dövründə banklar 72,9 milyon manat mənfəət vergisi (2023-cü ilin eyni dövrü ilə müqayisədə 4,5 milyon manat çox) səviyyəsində qiymətləndirilir.
 

www.anews.az