Rafael Fiziyev Bakıdakı UFC turnirinin əsas döyüşündə qələbə qazanıb - Yenilənib

Mütləq Döyüş Çempionatının (UFC) Bakıda təşkil olunan turnirinə yekun vurulub.

Milli Gimnastika Arenasında təşkil olunan yarışda gecənin bütün qarşılaşmaları başa çatıb.

Son olaraq əsas döyüşdə Azərbaycan təmsilçisi Rafael Fiziyev meksikalı Manuel Torreslə üz-üzə gəlib.

Yüngül çəkidəki görüşdə Fiziyev rəqibinə qalib gəlib. O, ikinci raundda Torresi nokaut edib.

"UFC Fight Night Baku" turnirində Azərbaycan təmsilçilərindən Tahir Abdullayev braziliyalı Cefferson Nasimentonu, Fərman Həsənov ABŞ-dən olan Erik Nolanı məğlub edib. Nazim Sadıxov isə Mateus Kamiloya (Braziliya) uduzub.

***

Mütləq Döyüş Çempionatının (UFC) Bakıda təşkil olunan turniri başlayıb.

Milli Gimnastika Arenasında təşkil olunan yarış yerli vaxtla saat 17:00-da start götürüb.

Gecənin əsas döyüşündə Azərbaycan təmsilçisi Rafael Fiziyev yüngül çəkidə meksikalı Manuel Torreslə üz-üzə gələcək. Digər əsas qarşılaşmalarda azərbaycanlı Nazim Sadıxov braziliyalı Mateus Kamilo, Fərman Həsənov isə ABŞ təmsilçisi Erik Nolanla qarşılaşacaq. Tahir Abdullayevin rəqibi braziliyalı Cefferson Nasimento olacaq.

Turnirin ilkin görüşləri:

Tahir Abdullayev (Azərbaycan) – Cefferson Nasimento (Braziliya)

Bekzat Almakhan (Qazaxıstan) – Jan Matsumoto (Braziliya)

Daniil Donçenko (Ukrayna) – Teodor Bergqren (İsveç)

Kaan Ofli (Avstraliya) – Xavyer Reyes (Kolumbiya)

Nursulton Ruziboyev (Özbəkistan) – Andrey Pulyayev (Rusiya)

Abdul Rəhman Yaxyayev (Türkiyə) – Culius Uolker (ABŞ)

Fərman Həsənov (Azərbaycan) – Erik Nolan (ABŞ).

Əsas döyüşlər:

Abus Maqomedov (Almaniya) – Mixal Olekseyçuk (Polşa)

İkram Aliskerov (Rusiya) – Bruno Ferreyra (Braziliya)

Asu Almabayev (Qazaxıstan) – Çarlz Conson (ABŞ)

Nazim Sadıxov (Azərbaycan) – Mateus Kamilo (Braziliya)

Şarabutdin Maqomedov (Rusiya) – Mişel Pereyra (Braziliya)

Rafael Fiziyev (Azərbaycan) – Manuel Torres (Meksika).

UFC ilk dəfə 2025-ci ildə Bakıda turnir keçirib.