Donald Tramp və Melaniyanın toy deserti hərraca çıxarıldı - FOTO

ABŞ prezidenti Donald Trampın Melaniya Trampla toy deserti hərracda satışa çıxarılıb.

"Ölkə.Az” xəbər verir ki, amma hərrac "RR Auctions” əməkdaşlarının istədiyi kimi alınmayıb və desert çox da baha satılmayıb.

Donald və Melaniya 2005-ci ildə ailə qurub. Amma bu günə qədər də onların toy masasının desertləri müxtəlif hərraclarda satışa çıxarılır. Donald və Melaniyanın toyda qonaqlara payladığı şokoladlı trüfelli mini tort bu gün satışa çıxarılıb. Bu mini-tort toy tortunun kiçik versiyasıdır. Toyda bəylə gəlinin kəsdiyi əsas tortun çəkisi 90 kq, qiyməti isə 50 min dollar olub. Mini-tort üzərində D, M və T qızılı hərflər olan kiçik qutuya qoyulacaq.

Qeyd edək ki, hərrac evi tortu 1500 dollara satmaq istəsə də, cəmi 4 müştəri maraqlandıra bilib və qiymət 200 dollar olub.