Bu şəhərdə təbii xəz geyimlərin satışı qadağan olunacaq

2021-ci ildən etibarən ABŞ-ın Los Anceles şəhərində təbii xəz geyim və aksesuarlarının istehsalı və satışı qadağan olunacaq.

Anews.az Trend-ə istinadən xəbər verir ki, bu barədə Şəhər Şurasının qərarında deyilir.

Bununla da Los Anceles təbii xəzin satışını qadağan edən ABŞ-ın ən iri şəhəri olacaq.

Qeyd edək ki, statistik məlumatlara əsasən 2014-cü ildə xəz məmulatlarının dünya bazarında satışından 35,8 milyard dollar gəlir əldə olunub. Ancaq son illərdə "Versace", "Gucci", "Tommy Hilfiger" şirkətlər təbii xəzdən imtina edərək süni xəzdən geyimlərə üstünlük verir.