Ermənistanda Paşinyanın istefası tələbi ilə etirazlar başladı - Video

Ermənistanın paytaxtı İrəvanda Respublika Meydanına toplaşan 500-ə yaxın vətəndaş Baş nazir Nikol Paşinyanın istefasını tələb edib.

"Qafqazinfo” Ermənistan mətbuatına istinadən xəbər verir ki, əraziyə çox sayda hüquq-mühafizə orqanları əməkdaşları cəlb olunub.

"Newspress.am” saytının təsisçisi-direktoru Ariana Hovsepyan özünün Feysbukdakı canlı yayımında insanların sayının artdığını, lakin bu rəqəmin hakimiyyəti qovmaq üçün çox az olduğunu bildirib.

O, özünü erməni hesab edən, ölkənin və övladlarının gələcəyindən narahat olan hər kəsi onlara qoşulmağa çağırıb. "Meydana gəlin, getməyəcəyik”, - deyə çağırış edib.