Türkiyədə qiymət artımı ilə bağlı etiraz aksiyaları keçirilib

Bu gün Konacık Məhəlləsindəki AYDEM (Aydem Elektrik Pərakəndə Satışı) Bodrum Müştəri Xidmətləri Mərkəzinin qarşısında bir qrup Türkiyə vətəndaşı elektrik enerjisinin bahalaşmasına etiraz edib. CHP bələdiyyə sədri Xəlil Karahan, İYİ Partiya bələdiyyə sədir Nevzat Kamber və siyasi təşkilatların nümayəndələri də vətəndaşlara dəstək verib.

 

Etirazçılar "elektrik enerjisi haqdır satıla bilməz, borcumuzu hökümətə ödədəcəyik", "elektrik ilə soyğunçuluğa son", "elektrik enerjisində bahalaşmaları ləğv edin" yazılmış pankart və plakatlar qaldırıb. Daha sonra aksiya təşkilatçıları AYDEM-in binasının önünə "İşıq pulu çox yazır, buna bir çarə tapın” yazısı olan qara çələng qoyub.

 

 Geologiya Mühəndisləri Palatasının Muğla Nümayəndəsi Mustafa Ərdoğan Sözçü xəbər saytına  bildiib ki, davamlı olan qiymət artımları Bodrum sakinlərinin haqlı etirazına səbəb olub.

 

"Normalda 1000 TL-yə gələn hesab bu ay 4 min TL oldu, mənim iş yerimə də həmişə 450 TL işıq pulu yazırdısa bu dəfə 1650 TL idi. Bu vicdansızlıqdır. Biz hər cür - hüquqi üsullardan və etiraz formalarından istifadə etməklə bu artımların geri götürülməsini təmin edəcəyik”, - deyə o vurğuladı

 

Etirazçıların çağırışlarına yoldan keçən vətəndaşlar da qoşulub.  Aksiya baş tutan küçədə yolda tıxacın yaranıb. Hadisə yerinə gələn polis vətəndaşlara yolun açılmasını və etirazı dayandırmağı tələb edib. Tələbdən sonra etirazçılar və polislər arasında qarşıdurma yaranıb. 

 

AYDEM məsələ ilə bağlı öz internet səhifələrində açıqlama yayıb.

"23 yanvar 2022-ci ildə həyata keçirilən sistem yeniləməsi ilə əlaqədar olaraq xəta baş verib. Bir qrup abunəçinin elektrik enrjisinə borcu səhv hesablanıb. Düzəliş edilmiş borc qəbzləri ən qısa zamanda müştərilərimizə çatdırılacaq”, - deyə açıqlamada bildirilib. (sözçü)

 Ləman Qasımova