Zelenski Ukraynanın Beynəlxalq Ərazi Müdafiə Legionunun yaradıldığını elan edib
27.02.2022 11:30
Ukrayna Prezidenti Vladimir Zelenski bazar günü Ukraynanın Beynəlxalq Ərazi Müdafiə Legionunun yaradıldığını elan edib və digər dövlətlərin vətəndaşlarını Rusiyanın işğalını dəf etmək üçün onun sıralarına qoşulmağa çağırıb. Bu barədə Reuters agentliyi məlumat yayıb.
"Ukrayna prezidenti Vladimir Zelenski Ukraynanın dostu olan bütün xarici ölkələrin vətəndaşlarına müraciət edib. Avropada və dünyada təhlükəsizliyin müdafiəsinə qoşulmaq istəyən hər kəs ukraynalılarla çiyin-çiyinə 21-ci əsein işğalçılarına qarşı döyüşə bilər. Bununla əlaqədar olaraq, bütün əcnəbiləri Ukrayna rəhbərliyi ölkəyə gəlməyi və Ərazi Müdafiə Qüvvələrinin sıralarına qoşulmağı təklif edir. Əcnəbilərdən ibarət ayrıca birlik - Ukraynanın Beynəlxalq Ərazi Müdafiəsi Legionu yaradılır. Bu, ölkəmizə dəstəyinizin əsas sübutu olar", - fərmanda bildirilir.
Rusiya prezidenti Vladimir Putin qonşu ölkəyə qarşı xüsusi əməliyyat elan etdikdən sonra Rusiya Ukraynanı işğal etməyə başlayıb. Putin bunu Ukraynanın "demilitarizasiyası və denazifikasiyası” və Moskva tərəfindən tanınan özünü elan etmiş respublikaların əhalisinin müdafiəsi məqsədilə etdiyini bildirib.
Bir neçə aydır ki, Ukrayna Rusiya ilə Qərb arasında ən ciddi i siyasi qarşıdurmanın mərkəzinə çevrilib. Moskva NATO qapılarının Kiyevə bağlanmasını tələb edib və Ukrayna hakimiyyətini rusdillilərin "soyqırımı”nda ittiham edib.
Buna cavab olaraq Qərb Kremlin təzyiqləri qarşısında geri çəkilməyəcəyini , Kiyev isə qondarma respublikalarla qarşıdurmanı güc yolu ilə həll etməyi planlaşdırmadığını bildirib.
N.Tərizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
