Rusiya rublu ÇÖKDÜ -YENİLƏNİB

Bu qərar Mərkəzi Bankın əvvəlcədən nəzərdə tutulmamış iclasında qəbul olunub. Əvvəlcədən analitiklər Qərb ölkələrinin Rusiyaya qarşı fevralın 28-dən tətbiq etdiyi sanksiyalarla əlaqədar belə bir hadisənin ba verə biləcəyini  proqnozlaşdırmışdılar. 

"Rusiya iqtisadiyyatı üçün xarici şərtlər kəskin şəkildə dəyişib. Əsas faiz dərəcəsinin artırılması barədə qərar artan devalvasiya və inflyasiya risklərini kompensasiya etmək məqsədi daşıyır. Bu lazım olan səviyyəyə qədər depozit faizlərinin artırılmasını təmin edəcək, maliyyə və qiymət sabitliyinin, vətəndaşların qorunmasına səbəb olacaq" - Mərkəzi Bank bildirib. 

Mərkəzi Bank xarici və daxili şəraitdən yaranan risklərin və maliyyə bazarlarının onlara reaksiyasının qiymətləndirilməsi, hədəfə nisbətən faktiki və gözlənilən inflyasiya dinamikası nəzərə alınmaqla əsas məzənnə ilə bağlı növbəti qərarlar qəbul edəcəyini də istisna etməyib. 

Rusiya banklarının tənzimləyici kreditlər üzrə borcları da bazar ertəsi 3,77 trilyon rubla kimi artıb. Fevralın 25-da onlar 2,08 trilyon rubl təşkil edirdi. 

Rusiya Maliyyə Nazirliyi ixracatçıları valyuta gəlirlərinin 80%-ni xarici ticarət müqavilələrinin bir hissəsi qismində satmağa məcbur edib. 

Mərkəzi bank həmçinin rublun məzənnəsini qismən yüksək saxlamaq üçün intervensiyalara getdiyini də etiraf edib. 

Bankın etirafına görə, fevralın 24-də yəni intervensiyaların ilk günündə  dövlət ehtiyatlarından 84,8 milyard rubl (942 milyon dollar) ekvivalentində xarici valyuta satılıb.

      

Mərkəzi bank sonuncu dəfə maliyyə sabitliyini qorumaq üçün  2014-cü ildə etmişdi. 

Rusiya rublunun çökməsi Qərbin Rusiyaya maliyyə sanksiyalarını tətbiq etmməsi ilə bağlıdır. Ukraynaya hərbi təcavüzü səbəbindən ABŞ və müttəfiqləri Rusiya banklarının aktivlərinə sanksiyalar qoyub, onları SWIFT ödəniş sistemindən ayırıb , o cümlədən Rusiya  Mərkəzi bankın valyutada olan ehtiyatlarını dondarıblar. 

Rusiya Mərkəzi Bankının rəhbəri Elvira Nabiullinanın Direktorlar Şurasının iclasından sonra Moskva vaxtı ilə saat 16:00-da bəyanatla çıxış edəcəyi planlaşdırılır.