Moskvada məhkəmə qadını geydiyi papağa görə cərimələyib

Tverskoy Rayon Məhkəməsi Moskva sakini olan qadını  30 min rubl cərimələyib, bu barədə BBC-ə qadının vəkili Valeri Arşinov bildirib. 
 

"Protokolda cinayətin tərkibi mgöstərilməyib. İnsan sadəcə mağazaya gedib. Protokolda isə yazılıb ki, "ictimai yerdə olarkən papaq və döş nişanı nümayiş etdirib",  - vəkil bildirib.

Vəkil bildirib ki döş nişanında yalnız ürək şəklində Ukrayna bayrağının olması və Rusiya bayrağının olmaması hakimin diqqətini çəkib. Məhkəmə qadını Rusiya Federasiyasının İnzibati Xətalar Məcəlləsinin 20.3.3-cü maddəsi ilə təqsirli bilib. Məhkəmə qərarında deyilir ki,  " qadın Rusiya Federasiyası Silahlı Qüvvələrinin istifadəsini gözdən salmağa yönəlmiş ictimai hərəkətlər edib...".

"Biz bu qərarı qanunsuz hesab edirik. Ürək formasında olan Ukrayna bayrağı Rusiya Federasiyası Silahlı Qüvvələrini necə nüfuzdan sala bilər?" – vəkil dedi.
Həmçinin qadının Ukrayna bayrağı rəngində papaq geyinməsi nə vaxtdan cinayət sayılır. 

Bu arada Rusiya hakimiyyəti Ukrayna dövlətçiliyini, bayrağını və prezidentini tanıdığını bildirib. Bunu dəfələrlə hə XİN rəhvəri Sergey Lavrov , həm də Rusiya prezidentinin sözçüsü Dmitri Peskov deyib.  Amma nədənsə Ukrayna bayrağ rəngində papaq geyinən qadın cərimələnib. 


N.Təbrizli

www.anews.az