Rusiya müharibəni qəsdən "uzatmaq" istəyir

Rusiya ordusu həm  şəxsi heyət, həm də texnika baxımından  həddindən artıq çox itki verdiyi və bütün istiqamətlərdə əhəmiyyətli irəliləyiş əldə edə bimədiyi üçün müharibəni "uzunmüddətli fazaya” keçirmək istəyir, - bunu Ukrayna prezidentinin aparat rəhbərinin müşaviri Mixail Podolyak bildirib.


Onun sözlərinə görə, Ukraynada baş  verənləri xalqdan gizlətmək olmaz və buna görə də Rusiya itkilərin sayını azaltmaq üçün bundan sonra başqa taktikaya əl atır.


Podolyakın sözlərinə görə, Rusiya əsgərləri işğal etdikləri ərazilərdə torpağın altında səngərlər düzəldir və orada gizlənirlər ki, bir müddət sonra çıxıb qəfil hücuma keçsinlər. 


Podolyakın fikrincə beynəlxalq hüquqda bu müharibə cinayəti və insanlığa qarşı cinayət hesab edilir. 


Rusiya Müdafiə Nazirliyi yalnız bir dəfə Rusiya ordusunun Ukraynada itkiləri barədə məlumat verib. 557 ölən rus əsgərinin adları artıq təsdiqlənib. 


 
N.Təbrizli

www.anews.az