Litva Rusiya ilə sərhəddə hava dəhlizi yaradır

 

Litva Silahlı Qüvvələri pilotsuz uçuş aparatlarının (PUA) gücünü və onların əməliyyat imkanlarını genişləndirməyə çalışır, buna görə də Kazlu Ruda poliqonundan ölkənin qərb sərhədinə qədər 1 km enində hava dəhlizi hazırlayır.

 

Hava məkanından istifadədə bu cür dəyişikliklər Rusiya ilə sərhəd bölgəyə nəzarət və müşahidənin gücləndirilməsinə yönəlib.

 

Prosedura əsasən, Litva Silahlı Qüvvələri dəhlizdən istifadə etdikdən və ya tapşırığı yerinə yetirdikdən sonra axşam saatlarında hava məkanına qoyulan məhdudiyyətləri aradan qaldırmağı öhdəsinə götürür.