Rusiya 2030-cu ilə qədər mənzil kommunal təsərrüfatının inkişafını müəyyənləşdirib

Rusiyada 2030-cu ilə qədər tikinti sənayesi və mənzil-kommunal təsərrüfatının inkişafı strategiyasının maliyyələşdirilməsi üçün ən azı 160 trilyon rubl lazımdır. Bunu Rusiya Federasiyası Baş nazirinin müavini Marat Xusnullin Dövlət Şurasının Rəyasət Heyətinin iclasında deyib.

"2030-cu ilə qədər proqramın ümumi dəyəri, bütün mənbələr nəzərə alınmaqla, 160 trilyon rubl təşkil edir ki, bunun da federal büdcəsi təxminən 30 trilyon rubl təşkil edir",-  Xusnullin bildirib.

Onun sözlərinə görə, əgər maliyyələşmə azalmasa, o zaman nəzərdə tutulan vəsait proqramın həyata keçirilməsi üçün kifayət etməlidir. Eyni zamanda, əlavə maliyyə ehtiyacı Federal Rifah Fondunun kreditləri və vəsaitləri hesabına ödənilə bilər.

O əlavə edib ki, proqram mütləq öz bəhrəsini verəcək. Yəni daha böyük tapşırıqlarla daha çox qazanc əldə olunacaq. Eyni zamanda, 2030-cu ilə qədər təxminən 1 milyard kvadratmetr sahə tikiləcək. 1 milyondan çox insan əlavə olaraq sənayedə işlə təmin olunacaq.


www.anews.az