Şri-Lankada etirazçılar prezidentin villasında - 17,8 MİLYON RUPİ TAPIBLAR

Rupinin məzənnəsi aşağı olduğuna görə, tapılan pullar dollarda elə də böyük məbləğ deyil – cəmi 49 min dollar.

«Dünən prezidentin evində 17 850 000 rupi tapıldı və o pullar rayonun polis rəisinə verildi»-deyə etirazçıların təşkilatında bildirilib.

Aprel ayından bəri Şri-Lanka-da iqtisadi vəziyyətin pisləşməsi ilə əlaqədar olaraq etiraz aksiyaları başlayıb. Ölkə 1948-ci ildə müstəqillik əldə edəndən bəri ən ağır iqtisadi böhranla üzləşib və bu sosial iqtisadi gərginliyə səbəb olub.

İyulun 9-da etirazçılar prezidentin iqamətgahına hücum edərək onu nəzarətə götürüblər. Prezident Qotabay Racapaksa ölkəni 20 ildir ki, idarə edirdi və etirazçıların hücumundan bir qədər əvvəl buranı tərk edə bilib.