Bu ölkə Ermənistana 270 milyon dollarlıq silah və hərbi texnika satıb

Hindistan Ermənistana 270 milyon dollarlıq silah və hərbi texnika satıb. Bu barədə Ermənistan mətbuatı yazıb.

"Elə ölkələr var ki, yüz milyonlarla dollar ödənilib, lakin onlar Ermənistana silah tədarükü üzrə öhdəlikləri yerinə yetirmir. Azərbaycan Ermənistana silah verilməsini pozmağa çalışır. Amma biz öz suverenliyimizi, ərazi bütövlüyümüzü qətiyyətlə dəstəkləyəcəyik və sərhədlərimizdə dayanan o qəhrəmanlara dəstək  verəcəyik. Biz həmçinin bütün beynəlxalq tərəfdaşlarla çox fəal işləyirik və bütün məsələlərin diplomatiya yolu ilə həll edilməsi ilə bağlı bütün çağırışları dinləyirik və eşidirik və razıyıq. ”, - Paşinyan bildirib.
 
Paşinyanın fikrincə, burada yeganə məqsəd Ermənistanın öz dövlətçiliyindən, suverenliyindən imtina etməsi və ərazi bütövlüyü ilə bağlı güzəştə getməsidir.


Stokholm Beynəlxalq Sülh Tədqiqatları İnstitutunun (SIPRI) beynəlxalq silah transferləri barədə hesabatına görə, Ermənistan silahı Hindistan və İordaniyadan alır. Hindistanın silah ixracının 11%, İordanoyanın isə 10%-i Ermənistanın payına düşür. Hindistan isə Rusiyanın ən çox silah satdığı ölkədir. Belə ki, Rusiya silah ixracının 28% məhz Hindistanın payına düşür. Rəsmi Yerevan 2023-cü il üçün hərbi büdcəsini 11 faiz genişlədərək 640 milyon dollardan 710 milyon dollar həddinə çatdırıb. 



www.anews.az